qaid-e-hasti mein hun apne farz ki tamil tak

qaid-e-hastī meñ huuñ apne farz kī ta.amīl tak

ik na.ī duniyā na.e insān kī tashkīl tak

daam ham-rañg-e-zamīñ phailā diyā sayyād ne

vādī-e-gañg-o-jaman se rūd-bār-e-nīl tak

aañkh se bah jā.egā dil meñ agar baaqī rahā

qatra-e-ḳhūñ dāstān-e-dard kī takmīl tak

shā.irī kā saaz hai vo saaz ho jis saaz meñ

naġhma-e-rūh-ul-amīñ se bāñg-e-isrāfīl tak

tū hī asrār-e-suḳhan se hai abhī nā-āshnā

varna is ijmāl meñ maujūd hai tafsīl tak

bas nahīñ chaltā hai un kā varna ye zulmat-parast

apnī phūñkoñ se bujhā deñ arsh kī qindīl tak

ashk' apne sīna-e-pur-ḳhūñ meñ sail-e-ashk bhī

rok rakhtā huuñ jigar ke ḳhuun kī tahlīl tak

qaid-e-hasti mein hun apne farz ki tamil tak

ek nai duniya nae insan ki tashkil tak

dam ham-rang-e-zamin phaila diya sayyaad ne

wadi-e-gang-o-jaman se rud-bar-e-nil tak

aankh se bah jaega dil mein agar baqi raha

qatra-e-KHun dastan-e-dard ki takmil tak

shairi ka saz hai wo saz ho jis saz mein

naghma-e-ruh-ul-amin se bang-e-israfil tak

tu hi asrar-e-suKHan se hai abhi na-ashna

warna is ijmal mein maujud hai tafsil tak

bas nahin chalta hai un ka warna ye zulmat-parast

apni phunkon se bujha den arsh ki qindil tak

ashk' apne sina-e-pur-KHun mein sail-e-ashk bhi

rok rakhta hun jigar ke KHun ki tahlil tak