qaid-e-kaun-o-makan se nikla
qaid-e-kaun-o-makān se niklā
har nafas imtihān se niklā
maiñ bujhā bhī to mere ba.ad yahāñ
ik dhuāñ kaisī shaan se niklā
manzil gum-shuda surāġh tirā
paañv ke ik nishān se niklā
shukr hai us kī yaad kā paikar
mere vahm-o-gumān se niklā
ek Thokar pe nuur kā dariyā
shab kī andhī chaTān se niklā
baukhlā.ī havā ki tā.ir-e-nau
kitnī ūñchī uḌaan se niklā
aag paanī havā aur miTTī ke
'āsif' har imtihān se niklā
qaid-e-kaun-o-makan se nikla
har nafas imtihan se nikla
main bujha bhi to mere baad yahan
ek dhuan kaisi shan se nikla
manzil gum-shuda suragh tera
panw ke ek nishan se nikla
shukr hai us ki yaad ka paikar
mere wahm-o-guman se nikla
ek Thokar pe nur ka dariya
shab ki andhi chaTan se nikla
baukhlai hawa ki tair-e-nau
kitni unchi uDan se nikla
aag pani hawa aur miTTi ke
'asif' har imtihan se nikla
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
