qaid-e-tan se ruh hai nashad kya

Imdad Imam Asar

qaid-e-tan se ruh hai nashad kya

Imdad Imam Asar

MORE BYImdad Imam Asar

    qaid-e-tan se ruuh hai nāshād kyā

    chand-roza umr mī.ād kyā

    merī iizā se adū ho shaad kyā

    tujh pe takiya o sitam-ījād kyā

    un ḳhātir jaa.eñ bazm-e-ġhair meñ

    ārzū-e-jannat-e-shaddād kyā

    rahā hai dil musībat ke maze

    aa.e lab par shikva-e-bedād kyā

    dil meñ jo aa.e use kah Dāliye

    aap bāteñ kareñge yaad kyā

    dosto aa.e haiñ vo dushman ke saath

    mujh ko dete ho mubārakbād kyā

    jab nahīñ kuchh e'tibār-e-zindagī

    is jahāñ shaad kyā nāshād kyā

    kuchh agar tāsīr rakhtī hai to khīñch

    varna ai dil hāsil-e-fariyād kyā

    jab ba-rañg-e-gul hai pāband-e-makāñ

    bāñdhte haiñ sarv ko āzād kyā

    hai tirā pāmāl har naḳhl-e-chaman

    tere aage sarv kyā shamshād kyā

    yaar tasvīr dil par khīñch

    khīñchte ham minnat-e-bahzād kyā

    ġhair dil se ek dam jaatā nahīñ

    ham tujhe aa.eñ sitamgar yaad kyā

    mujh se pahle sun chuke haiñ ġhair

    vo mire haq meñ kareñ irshād kyā

    sar Tapakte haiñ asīrān-e-qafas

    hai chaman ai sabā rūdād kyā

    āshiqī hai sar pe lenā koh-e-ġham

    nāzish-e-sar bāzī-e-farhād kyā

    arz apnī hai jo hai arz-e-adū

    dekhiye karte haiñ vo irshād kyā

    sar-kashī tujh se kare kyā taab hai

    aadmī ai ḳhudā buniyād kyā

    be-haqīqat jaan kar dil ko 'asar'

    to ne ai nādāñ kiyā barbād kyā

    qaid-e-tan se ruh hai nashad kya

    chand-roza umr ki miad kya

    meri iza se adu ho shad kya

    tujh pe takiya o sitam-ijad kya

    un ki KHatir jaen bazm-e-ghair mein

    aarzu-e-jannat-e-shaddad kya

    pa raha hai dil musibat ke maze

    aae lab par shikwa-e-bedad kya

    dil mein jo aae use kah Daliye

    aap ki baaten karenge yaad kya

    dosto aae hain wo dushman ke sath

    mujh ko dete ho mubarakbaad kya

    jab nahin kuchh e'tibar-e-zindagi

    is jahan ka shad kya nashad kya

    kuchh agar tasir rakhti hai to khinch

    warna ai dil hasil-e-fariyaad kya

    jab ba-rang-e-gul hai paband-e-makan

    bandhte hain sarw ko aazad kya

    hai tera pamal har naKHl-e-chaman

    tere aage sarw kya shamshad kya

    yar ki taswir dil par khinch li

    khinchte hum minnat-e-bahzad kya

    ghair dil se ek dam jata nahin

    hum tujhe aaen sitamgar yaad kya

    mujh se pahle sun chuke hain ghair ki

    wo mere haq mein karen irshad kya

    sar Tapakte hain asiran-e-qafas

    hai chaman ki ai saba rudad kya

    aashiqi hai sar pe lena koh-e-gham

    nazish-e-sar bazi-e-farhad kya

    arz apni hai jo hai arz-e-adu

    dekhiye karte hain wo irshad kya

    sar-kashi tujh se kare kya tab hai

    aadmi ki ai KHuda buniyaad kya

    be-haqiqat jaan kar dil ko 'asar'

    to ne ai nadan kiya barbaad kya

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY