qaid-o-band-e-gham se wo aazad hai

qaid-o-band-e-ġham se vo āzād hai

har qadam par yaañ na.ī uftād hai

shaad hai to aur koī barbād hai

kyā fasāna aur kyā rūdād hai

daftarī māhaul meñ dekho kabhī

koī kitnā shaad hai nāshād hai

kyoñ zamāna merā ham-āvāz ho

merā naġhma dard hai fariyād hai

ḳhān-qāheñ tum sajā lo dosto

mere dam se mai-kada ābād hai

'ahd-o-paimāñ tum ne bāñdhe the kabhī

kyā tumheñ vo bhī zamāna yaad hai

istilāheñ sirf baaqī haiñ 'razā'

vo qafas baaqī na vo sayyād hai

qaid-o-band-e-gham se wo aazad hai

har qadam par yan nai uftad hai

shad hai to aur koi barbaad hai

kya fasana aur kya rudad hai

daftari mahaul mein dekho kabhi

koi kitna shad hai nashad hai

kyon zamana mera ham-awaz ho

mera naghma dard hai fariyaad hai

KHan-qahen tum saja lo dosto

mere dam se mai-kada aabaad hai

'ahd-o-paiman tum ne bandhe the kabhi

kya tumhein wo bhi zamana yaad hai

istilahen sirf baqi hain 'raza'

wo qafas baqi na wo sayyaad hai