qais kahta tha yahi fikr hai din-raat mujhe

qais kahtā thā yahī fikr hai din-rāt mujhe

maar de nāqa-e-lailā na kahīñ laat mujhe

ruḳh-e-raushan pe fidā aur na siyah-zulf kā ḳhabt

na koī din hai mujhe aur na koī raat mujhe

maktab-e-ishq meñ baiThā huā hal kartā huuñ

jaise algebra ke milte haiñ savālāt mujhe

botaleñ bechte naḳhḳhās meñ dekhā us ko

kis jagah jā ke milā pīr-e-ḳharābāt mujhe

ġhusl-ḳhāne meñ ye ġhassāl se murda bolā

jail hai qabr to ye ghar hai havālāt mujhe

rishta-e-umr hai kam aur mirī rassī hai darāz

aa.ī charḳhe se ye āvāz na tū kaat mujhe

na.ī tahzīb ne ma.ashūq kā fashion badlā

card bhejūñ to mayassar ho mulāqāt mujhe

dard-e-dil ishq meñ hai kaahe se sekūñ maiñ 'zarīf'

na falālīn hī miltī hai na bānāt mujhe

qais kahta tha yahi fikr hai din-raat mujhe

mar de naqa-e-laila na kahin lat mujhe

ruKH-e-raushan pe fida aur na siyah-zulf ka KHabt

na koi din hai mujhe aur na koi raat mujhe

maktab-e-ishq mein baiTha hua hal karta hun

jaise algebra ke milte hain sawalat mujhe

botalen bechte naKHKHas mein dekha us ko

kis jagah ja ke mila pir-e-KHarabaat mujhe

ghusl-KHane mein ye ghassal se murda bola

jail hai qabr to ye ghar hai hawalat mujhe

rishta-e-umr hai kam aur meri rassi hai daraaz

aai charKHe se ye aawaz na tu kat mujhe

nai tahzib ne mashuq ka fashion badla

card bhejun to mayassar ho mulaqat mujhe

dard-e-dil ishq mein hai kahe se sekun main 'zarif'

na falalin hi milti hai na banat mujhe