qalam ho tegh ho tesha ki Dhaal mat chhino

qalam ho teġh ho tesha ki Dhaal mat chhīno

kabhī kisī se kisī kā kamāl mat chhīno

ḳhushī isī meñ agar hai to har ḳhushī le lo

ye dukh ye dard ye huzn-o-malāl mat chhīno

isī ḳhalish ke sabab phir mujhe ubharnā hai

ḳhudā ke vāste ahd-e-zavāl mat chhīno

maiñ chhoḌ saktā nahīñ saath istaqāmat kā

mirī azaan se joshe-e-bilāl mat chhīno

abhī kitāb na chhīno tum in ke hāthoñ se

hamāre bachchoñ kā husn-o-jamāl mat chhīno

hamārī aañkh meñ yādoñ ke zaḳhm rahne do

hamāre haath se phūloñ kī Daal mat chhīno

abhī bujhāo na candle na cake kaaTo abhī

kuchh aur der mirā pichhlā saal mat chhīno

qalam ho tegh ho tesha ki Dhaal mat chhino

kabhi kisi se kisi ka kamal mat chhino

KHushi isi mein agar hai to har KHushi le lo

ye dukh ye dard ye huzn-o-malal mat chhino

isi KHalish ke sabab phir mujhe ubharna hai

KHuda ke waste ahd-e-zawal mat chhino

main chhoD sakta nahin sath istaqamat ka

meri azan se joshe-e-bilal mat chhino

abhi kitab na chhino tum in ke hathon se

hamare bachchon ka husn-o-jamal mat chhino

hamari aankh mein yaadon ke zaKHm rahne do

hamare hath se phulon ki Dal mat chhino

abhi bujhao na candle na cake kaTo abhi

kuchh aur der mera pichhla sal mat chhino