qalam ki nok se aisa hisar kar lenge

qalam kī nok se aisā hisār kar leñge

ham apne aap ko bhī shahryār kar leñge

nayā hai josh abhī aur na.e irāde haiñ

ham apne mas.aloñ ko ustuvār kar leñge

agar hai jurm mohabbat zamāne vāloñ se

ḳhatā.eñ aisī phir ham baar baar kar leñge

bas ek baar mulāqāt kā tū kar vā'da

tamām 'umr tirā intizār kar leñge

kabhī jo haath meñ tasvīr terī aa.egī

tumhārī yaad meñ dil be-qarār kar leñge

aTuuT pyaar hai jin ko zabān-e-urdu se

ham un ko dost meñ apne shumār kar leñge

buland hausla 'iqbāl' kā hai dost abhī

ḳhizāñ kī fasl ko ham barg-o-bār kar leñge

qalam ki nok se aisa hisar kar lenge

hum apne aap ko bhi shahryar kar lenge

naya hai josh abhi aur nae irade hain

hum apne masalon ko ustuwar kar lenge

agar hai jurm mohabbat zamane walon se

KHataen aisi phir hum bar bar kar lenge

bas ek bar mulaqat ka tu kar wa'da

tamam 'umr tera intizar kar lenge

kabhi jo hath mein taswir teri aaegi

tumhaari yaad mein dil be-qarar kar lenge

aTuT pyar hai jin ko zaban-e-urdu se

hum un ko dost mein apne shumar kar lenge

buland hausla 'iqbaal' ka hai dost abhi

KHizan ki fasl ko hum barg-o-bar kar lenge