qalam se nikle ya mere KHayal se nikle

qalam se nikle yā mere ḳhayāl se nikle

koī javāb to ab is savāl se nikle

bahut kaThin thā bulandī pe itnā rah paanā

ḳhudā kā shukr ki ham is kamāl se nikle

mire hunar pe bahut qarz hai tirā hamdam

tamām sher tumhāre ḳhayāl se nikle

maiñ aur is se ziyāda bhī kyā girūñ 'vāhid'

koī uruuj to ab is zavāl se nikle

qalam se nikle ya mere KHayal se nikle

koi jawab to ab is sawal se nikle

bahut kaThin tha bulandi pe itna rah pana

KHuda ka shukr ki hum is kamal se nikle

mere hunar pe bahut qarz hai tera hamdam

tamam sher tumhaare KHayal se nikle

main aur is se ziyaada bhi kya girun 'wahid'

koi uruj to ab is zawal se nikle