qarar-e-gud-shuda mere KHuda kab aaega

qarār-e-gud-shuda mere ḳhudā kab aa.egā

mirī duāoñ meñ rañg-e-duā kab aa.egā

badan se bharne lage haiñ ham apnī ruuh ke ghaav

hameñ salīqa-e-dārū-davā kab aa.egā

yahīñ kahīñ se vo āvāz de rahā hai magar

navāh-e-jāñ meñ mirā nā-ḳhudā kab aa.egā

ġhurūb hotā huā raushnī kā sayyāra

añdhere mausamoñ meñ kyā patā kab aa.egā

samā.atoñ ko mirī murġh-zār karne ko

ḳhamosh dasht meñ naḳhl-e-sadā kab aa.egā

hazār kārvāñ yuuñ to haiñ mere saath magar

jo mere naam hai vo qāfila kab aa.egā

fasīleñ TuuT ga.iiñ ho ga.e mahal mismār

khañDar meñ raat ga.e dūsrā kab aa.egā

qarar-e-gud-shuda mere KHuda kab aaega

meri duaon mein rang-e-dua kab aaega

badan se bharne lage hain hum apni ruh ke ghaw

hamein saliqa-e-daru-dawa kab aaega

yahin kahin se wo aawaz de raha hai magar

nawah-e-jaan mein mera na-KHuda kab aaega

ghurub hota hua raushni ka sayyara

andhere mausamon mein kya pata kab aaega

samaaton ko meri murgh-zar karne ko

KHamosh dasht mein naKHl-e-sada kab aaega

hazar karwan yun to hain mere sath magar

jo mere nam hai wo qafila kab aaega

fasilen TuT gain ho gae mahal mismar

khanDar mein raat gae dusra kab aaega