قریب آنے لگے ہیں دور کے دن
وہی جی ہاں ہمیں منظور کے دن
غلط اوقات میں نازل ہوئے ہم
فرشتوں کی ہیں راتیں حور کے دن
زبانیں کاٹ کر سمجھایا اس نے
یہ ہیں سلطانیٔ جمہور کے دن
وہ اٹھتے کیوں نہیں سجدے میں ہیں جو
گئے کیا سرمد و منصور کے دن
مکمل چھوٹ ہے نشتر زنی کی
مبارک ہوں نئے ناسور کے دن
اکڑتے تھے بہت لو آ گئے نا
نئے چنگیز اور تیمور کے دن
ملی ایمان کی منہ مانگی قیمت
بڑا ماتم ہوا مسرور کے دن
- کتاب : آخری عشق سب سے پہلے کیا (Pg. 98)
- Author : نعمان شوق
- مطبع : ریختہ پبلی کیشنز (2018)
- اشاعت : First
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.