qarib aane lage hain dur ke din
qarīb aane lage haiñ duur ke din
vahī jī haañ hameñ manzūr ke din
ġhalat auqāt meñ nāzil hue ham
farishtoñ kī haiñ rāteñ huur ke din
zabāneñ kaaT kar samjhāyā us ne
ye haiñ sultānī-e-jamhūr ke din
vo uThte kyoñ nahīñ sajde meñ haiñ jo
ga.e kyā sarmad-o-mansūr ke din
mukammal chhūT hai nashtar-zanī kī
mubārak hoñ na.e nāsūr ke din
akaḌte the bahut lo aa ga.e nā
na.e changez aur taimūr ke din
milī īmān kī muñh māñgī qīmat
baḌā mātam huā masrūr ke din
qarib aane lage hain dur ke din
wahi ji han hamein manzur ke din
ghalat auqat mein nazil hue hum
farishton ki hain raaten hur ke din
zabanen kaT kar samjhaya us ne
ye hain sultani-e-jamhur ke din
wo uThte kyon nahin sajde mein hain jo
gae kya sarmad-o-mansur ke din
mukammal chhuT hai nashtar-zani ki
mubarak hon nae nasur ke din
akaDte the bahut lo aa gae na
nae changez aur taimur ke din
mili iman ki munh mangi qimat
baDa matam hua masrur ke din
- Book : Aakhiri Ishq Sabse Pahle Kiya (Pg. 98)
- Author : Nomaan Shauque
- Publication : Rekhta Publications (2018)
- Edition : First
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.