qarib-e-dil KHarosh-e-sad-jahan hum

qarīb-e-dil ḳharosh-e-sad-jahāñ ham

jo tum sun lo tumhārī dāstāñ ham

kisī ko chāhne kī chaah meñ gum

jiye ban kar nigāh-e-tishnagāñ ham

har ik Thokar kī zad meñ laakh manzil

hameñ DhūñDo nasīb-e-gumrahāñ ham

hameñ samjho nigāh-e-nāz vaalo

laboñ par kāñptā harf-e-bayāñ ham

bujhī samtoñ kī is nagrī meñ 'amjad'

ubharte āftāboñ kī kamāñ ham

qarib-e-dil KHarosh-e-sad-jahan hum

jo tum sun lo tumhaari dastan hum

kisi ko chahne ki chah mein gum

jiye ban kar nigah-e-tishnagan hum

har ek Thokar ki zad mein lakh manzil

hamein DhunDo nasib-e-gumrahan hum

hamein samjho nigah-e-naz walo

labon par kanpta harf-e-bayan hum

bujhi samton ki is nagri mein 'amjad'

ubharte aaftabon ki kaman hum