qarib-e-manzil bhaTak rahe hain kisi ko apni KHabar nahin hai

qarīb-e-manzil bhaTak rahe haiñ kisī ko apnī ḳhabar nahīñ hai

ḳhudā hī hāfiz hai kārvāñ kā ki raah hai rāhbar nahīñ hai

har ek zarre meñ jalva un kā har ek jalve meñ husn un kā

kahāñ jhukā.eñ jabīñ ko āḳhir kahāñ tirā sang-e-dar nahīñ hai

fareb-e-rahzan meñ dilkashī hai isī liye itnī be-ḳhudī hai

jise samajhte ho rāhbar tum vo asl meñ rāhbar nahīñ hai

na jaane sehn-e-chaman meñ kaisī chamak sī rah rah ke ho rahī hai

mire nasheman ke chaar tinko ye barq kī to nazar nahīñ hai

mire ḳhulūs-e-vafā kī manzil har ek manzil se muḳhtalif hai

rah-e-talab meñ chalā huuñ tanhā mirā koī ham-safar nahīñ hai

sharāb-ḳhāne meñ jām-e-mai kā surūr to muḳhtasar thā lekin

jo chashm-e-sāqī ne baḳhsh dī hai vo be-ḳhudī muḳhtasar nahīñ hai

jise na bahkā sakī kabhī bhī kisī kī āñkhoñ kī dilkashī bhī

use bas ik ghūñT hī meñ 'aḳhtar' kuchh aaj apnī ḳhabar nahīñ hai

qarib-e-manzil bhaTak rahe hain kisi ko apni KHabar nahin hai

KHuda hi hafiz hai karwan ka ki rah hai rahbar nahin hai

har ek zarre mein jalwa un ka har ek jalwe mein husn un ka

kahan jhukaen jabin ko aaKHir kahan tera sang-e-dar nahin hai

fareb-e-rahzan mein dilkashi hai isi liye itni be-KHudi hai

jise samajhte ho rahbar tum wo asl mein rahbar nahin hai

na jaane sehn-e-chaman mein kaisi chamak si rah rah ke ho rahi hai

mere nasheman ke chaar tinko ye barq ki to nazar nahin hai

mere KHulus-e-wafa ki manzil har ek manzil se muKHtalif hai

rah-e-talab mein chala hun tanha mera koi ham-safar nahin hai

sharab-KHane mein jam-e-mai ka surur to muKHtasar tha lekin

jo chashm-e-saqi ne baKHsh di hai wo be-KHudi muKHtasar nahin hai

jise na bahka saki kabhi bhi kisi ki aankhon ki dilkashi bhi

use bas ek ghunT hi mein 'aKHtar' kuchh aaj apni KHabar nahin hai