قریۂ وہم و گماں تک آئے
ہم ترے ساتھ کہاں تک آئے
اپنی کم ظرفی کا اظہار کروں
راز سر بستہ زباں تک آئے
بات کر دی تو پشیمانی کیا
تیر واپس نہ کماں تک آئے
پیاس جو اپنی بجھانا چاہے
حلقۂ تشنہ لباں تک آئے
ابھی جاری ہے نہیں کی گردان
دیکھیے کیسے وہ ہاں تک آئے
مطمئن پھرتے ہیں یوں صحرا میں
جیسے ہم آب رواں تک آئے
ہم بہاروں کی طلب میں ناصرؔ
آخرش شہر خزاں تک آئے
مأخذ :
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
