qarya qarya KHak uDai kucha-gard faqir hue

qarya qarya ḳhaak uḌaa.ī kūcha-gard faqīr hue

pūrab pachchhim DhūñDā us ko āḳhir gosha-gīr hue

kaun haiñ ye kyā rabt thā un se kyā kahiye kuchh yaad nahīñ

ye chehre kab dil meñ utre kis lamhe tasvīr hue

sau pairā.e DhūñDe phir bhī aaj ke din tak aajiz haiñ

haa.e vo baat jo kah bhī na paa.e aur daftar tahrīr hue

sad.hā gahrī soch meñ Duubī sadiyāñ ham par sarf huiiñ

ik do baras kī baat nahīñ ham qarnoñ meñ ta.amīr hue

vo shab vo shab-ḳhūn adū kā kis uslūb bayān kareñ

ghāyal kaise pahroñ taḌpe ham kis taur asiir hue

kyā maiñ kyā tū aaj bhī donoñ ḳhaak haiñ kal bhī ḳhaak 'bashīr'

jiinā un kā marnā un kā jo vaj.h-e-ḳhair-e-kasīr hue

qarya qarya KHak uDai kucha-gard faqir hue

purab pachchhim DhunDa us ko aaKHir gosha-gir hue

kaun hain ye kya rabt tha un se kya kahiye kuchh yaad nahin

ye chehre kab dil mein utre kis lamhe taswir hue

sau pairae DhunDe phir bhi aaj ke din tak aajiz hain

hae wo baat jo kah bhi na pae aur daftar tahrir hue

sadha gahri soch mein Dubi sadiyan hum par sarf huin

ek do baras ki baat nahin hum qarnon mein tamir hue

wo shab wo shab-KHun adu ka kis uslub bayan karen

ghayal kaise pahron taDpe hum kis taur asir hue

kya main kya tu aaj bhi donon KHak hain kal bhi KHak 'bashir'

jina un ka marna un ka jo wajh-e-KHair-e-kasir hue