qayam-e-dair-o-tawaf-e-haram nahin karte

qayām-e-dair-o-tavāf-e-haram nahīñ karte

zamāna-sāz to karte haiñ ham nahīñ karte

tumhārī zulf ko suljhā.eñge vo dīvāne

jo apne chāk-e-garebāñ kā ġham nahīñ karte

utar chukā hai rag-o-pai meñ zahr-e-ġham phir bhī

ba-pās-ahd-e-vafā chashm nam nahīñ karte

ye apnā dil hai ki is haal meñ bhī zinda haiñ

sitam kuchh ahl-e-sitam ham pe kam nahīñ karte

girafta-dil haiñ butān-e-haram ki ab shā.ir

nashāt-o-aish ke sāmāñ baham nahīñ karte

sunā rahe haiñ jahāñ ko hadīs-e-dār-o-rasan

hikāyat-e-qad-o-gesū raqam nahīñ karte

vo āstān-e-shahī ho ki āstāna-e-dost

ye ab kahīñ sar-e-taslīm ḳham nahīñ karte

qayam-e-dair-o-tawaf-e-haram nahin karte

zamana-saz to karte hain hum nahin karte

tumhaari zulf ko suljhaenge wo diwane

jo apne chaak-e-gareban ka gham nahin karte

utar chuka hai rag-o-pai mein zahr-e-gham phir bhi

ba-pas-ahd-e-wafa chashm nam nahin karte

ye apna dil hai ki is haal mein bhi zinda hain

sitam kuchh ahl-e-sitam hum pe kam nahin karte

girafta-dil hain butan-e-haram ki ab shair

nashat-o-aish ke saman baham nahin karte

suna rahe hain jahan ko hadis-e-dar-o-rasan

hikayat-e-qad-o-gesu raqam nahin karte

wo aastan-e-shahi ho ki aastana-e-dost

ye ab kahin sar-e-taslim KHam nahin karte