qayas ban-bas ko muani de

qayās ban-bās ko muānī de

de mujhe phir koī kahānī de

baḳhsh jazboñ ko dā.imī shobhā

sher ko umr-e-jāvedānī de

karbalā! merī jadd pe guzrī kiyā

hāl-ahvāl kuchh zabānī de

ḳhātam-e-zar ki āñsuoñ ke guhar

jo bhī detā hai tū nishānī de

Daal gandum pe kesarī chundrī

dhaan ke sar pe shaal dhānī de

koī ejāz-e-mahramāna phir

koī āvāz to purānī de

mantaqe sab zamīñ ke kar zarḳhez

rañg dhartī ko āsmānī de

kaun paidā ho yā-alī tujh sā

apne qātil ko kaun paanī de

ik na ik din to priytmā se milā

ik na ik raat to suhānī de

haath ko hirs kī havā se bachā

aañkh ko dil kī tarjumānī de

raaja chaupaT andher-nagrī kā

is kahānī ko mat ravānī de

qayas ban-bas ko muani de

de mujhe phir koi kahani de

baKHsh jazbon ko daimi shobha

sher ko umr-e-jawedani de

karbala! meri jadd pe guzri kiya

haal-ahwal kuchh zabani de

KHatam-e-zar ki aansuon ke guhar

jo bhi deta hai tu nishani de

Dal gandum pe kesari chundri

dhan ke sar pe shaal dhani de

koi ejaz-e-mahramana phir

koi aawaz to purani de

mantaqe sab zamin ke kar zarKHez

rang dharti ko aasmani de

kaun paida ho ya-ali tujh sa

apne qatil ko kaun pani de

ek na ek din to priytma se mila

ek na ek raat to suhani de

hath ko hirs ki hawa se bacha

aankh ko dil ki tarjumani de

raja chaupaT andher-nagri ka

is kahani ko mat rawani de