qayas-o-yas ki had se nikal kar
qayās-o-yās kī had se nikal kar
chalī jā.ūñ kahīñ chehra badal kar
uḌegī raakh phir merī havā meñ
subuk-raftār ho jā.ūñgī jal kar
maiñ sūraj ke ta.āqub meñ rahūñgī
tulū-e-sub.h ho jā.ūñgī Dhal kar
tilism-e-mehr-o-mah ko toḌ Daale
zamīñ apnī harārat se pighal kar
abhī pahlā qadam tai kar rahī huuñ
dobāra gir paḌī thī maiñ sambhal kar
raheñ phūloñ bhare raste salāmat
safar kāTūñgī angāroñ pe chal kar
mire attār ne ḳhushbū banā.ī
bahut ma.asūm phūloñ ko masal kar
qayas-o-yas ki had se nikal kar
chali jaun kahin chehra badal kar
uDegi rakh phir meri hawa mein
subuk-raftar ho jaungi jal kar
main suraj ke taaqub mein rahungi
tulu-e-subh ho jaungi Dhal kar
tilism-e-mehr-o-mah ko toD Dale
zamin apni hararat se pighal kar
abhi pahla qadam tai kar rahi hun
dobara gir paDi thi main sambhal kar
rahen phulon bhare raste salamat
safar kaTungi angaron pe chal kar
mere attar ne KHushbu banai
bahut masum phulon ko masal kar
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
