قصۂ غم سنائے دیتے ہیں
قصۂ غم سنائے دیتے ہیں
دل کی حالت بتائے دیتے ہیں
حسن کا بھی عجیب عالم ہے
لوگ آنکھیں بچھائے دیتے ہیں
بھول کر بھی نہ کیجیے الفت
آپ کو ہم یہ رائے دیتے ہیں
پوچھیے کیا فریب حسن کرم
دام رنگیں بچھائے دیتے ہیں
زندگانی کا ماحصل سمجھو
رمز ہستی سجھائے دیتے ہیں
راہ مے خانۂ یقین و عمل
آئیے ہم بتائے دیتے ہیں
وقفۂ زندگی ہے کم انعامؔ
آپ جس کو گنوائے دیتے ہیں
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
