qissa-e-gham sunae dete hain

qissa-e-ġham sunā.e dete haiñ

dil kī hālat batā.e dete haiñ

husn kā bhī 'ajīb 'ālam hai

log āñkheñ bichhā.e dete haiñ

bhuul kar bhī na kījiye ulfat

aap ko ham ye raa.e dete haiñ

pūchhiye kyā fareb-e-husn-e-karam

dām-e-rangīñ bichhā.e dete haiñ

zindagānī kā mā-hasal samjho

ramz-e-hastī sujhā.e dete haiñ

rāh-e-mai-ḳhāna-e-yaqīn-o-amal

aa.iye ham batā.e dete haiñ

vaqfa-e-zindagī hai kam 'in'ām'

aap jis ko gañvā.e dete haiñ

qissa-e-gham sunae dete hain

dil ki haalat batae dete hain

husn ka bhi 'ajib 'alam hai

log aankhen bichhae dete hain

bhul kar bhi na kijiye ulfat

aap ko hum ye rae dete hain

puchhiye kya fareb-e-husn-e-karam

dam-e-rangin bichhae dete hain

zindagani ka ma-hasal samjho

ramz-e-hasti sujhae dete hain

rah-e-mai-KHana-e-yaqin-o-amal

aaiye hum batae dete hain

waqfa-e-zindagi hai kam 'in'am'

aap jis ko ganwae dete hain