qissa-e-mazi sipurd-e-taq-e-nisyan kar diya

qissa-e-māzī sipurd-e-tāq-e-nisyāñ kar diyā

zindagī mushkil thī is mushkil ko āsāñ kar diyā

muntashir hai kis qadar shīrāza-e-nazm-e-hayāt

apnī barbādī kā tū ne ḳhud hī sāmāñ kar diyā

ab shikāyat hai tujhe be-mehrī-e-taqdīr kī

in nigāhoñ ne hī vīrāna gulistāñ kar diyā

ab bhī baaqī haiñ tirī azmat ke kuchh zinda nishāñ

terī satvat ne to ik aalam ko larzāñ kar diyā

muztarib huuñ azmat-e-rafta ko paane ke liye

jis ne ā.īn-e-jahāñ-dārī ko hairāñ kar diyā

chāhtā huuñ maiñ ho tajdīd-e-mazāq-e-zindagī

maiñ ne fitrat ke usūloñ ko numāyāñ kar diyā

rahbar-e-insāniyat merī navā merī sadā

aaj ik jins-e-girāñ-māya ko arzāñ kar diyā

qissa-e-mazi sipurd-e-taq-e-nisyan kar diya

zindagi mushkil thi is mushkil ko aasan kar diya

muntashir hai kis qadar shiraaza-e-nazm-e-hayat

apni barbaadi ka tu ne KHud hi saman kar diya

ab shikayat hai tujhe be-mehri-e-taqdir ki

in nigahon ne hi virana gulistan kar diya

ab bhi baqi hain teri azmat ke kuchh zinda nishan

teri satwat ne to ek aalam ko larzan kar diya

muztarib hun azmat-e-rafta ko pane ke liye

jis ne aain-e-jahan-dari ko hairan kar diya

chahta hun main ho tajdid-e-mazaq-e-zindagi

main ne fitrat ke usulon ko numayan kar diya

rahbar-e-insaniyat meri nawa meri sada

aaj ek jins-e-giran-maya ko arzan kar diya