qissa un dinon ka hai jab hamein mohabbat thi

qissa un dinoñ kā hai jab hameñ mohabbat thī

ḳhvāb ik muamma thā niiñd ik aziyyat thī

kyā ajiib rishta thā aag aur paanī kā

maiñ barastā bādal thā aur vo qayāmat thī

ham ki ek duuje par is tarah se lāzim the

mujh ko us kā nashsha thā us ko merī aadat thī

ham bhaTakte phirte the tishnagī ke sahrā meñ

un laboñ pe amrit thā aur mujhe ijāzat thī

raat meñ musāfir thā gul-badan ke rastoñ kā

ang ang ḳhushbū thī kyā hasīñ masāfat thī

ham gunāh-gār-e-shab rokne se rukte kab

umr kā taqāzā thā vaqt kī zarūrat thī

ham 'samīr' kho baiThe maslahat kī rāhoñ meñ

vo jo ik ta.alluq thā vo jo ek nisbat thī

qissa un dinon ka hai jab hamein mohabbat thi

KHwab ek muamma tha nind ek aziyyat thi

kya ajib rishta tha aag aur pani ka

main barasta baadal tha aur wo qayamat thi

hum ki ek duje par is tarah se lazim the

mujh ko us ka nashsha tha us ko meri aadat thi

hum bhaTakte phirte the tishnagi ke sahra mein

un labon pe amrit tha aur mujhe ijazat thi

raat mein musafir tha gul-badan ke raston ka

ang ang KHushbu thi kya hasin masafat thi

hum gunah-gar-e-shab rokne se rukte kab

umr ka taqaza tha waqt ki zarurat thi

hum 'samir' kho baiThe maslahat ki rahon mein

wo jo ek talluq tha wo jo ek nisbat thi