qurban hai sau jaan se tum par gila kaisa

qurbān hai sau jaan se tum par gila kaisā

dekho to mire dil ne kiyā hausla kaisā

hotā hai magar qaid koī aap kā vahshī

suniye to hai zindāñ kī taraf ġhalġhala kaisā

haañ shiddat-e-dard-e-jigarī bazm meñ laa.ī

dil mar gayā ai dost to phir valvala kaisā

tū ne to kahā hai maiñ rag-e-jāñ se qarīñ huuñ

aur hijr kā hai qaul ki ye fāsla kaisā

mar jā.egā pāband-e-vafā zulm na chhoḌo

maiñ qissa-e-dil kahtā huuñ ai jaañ gila kaisā

qurban hai sau jaan se tum par gila kaisa

dekho to mere dil ne kiya hausla kaisa

hota hai magar qaid koi aap ka wahshi

suniye to hai zindan ki taraf ghalghala kaisa

han shiddat-e-dard-e-jigari bazm mein lai

dil mar gaya ai dost to phir walwala kaisa

tu ne to kaha hai main rag-e-jaan se qarin hun

aur hijr ka hai qaul ki ye fasla kaisa

mar jaega paband-e-wafa zulm na chhoDo

main qissa-e-dil kahta hun ai jaan gila kaisa