رائیگانی اٹھا ضروری ہے

رائیگانی اٹھا ضروری ہے

کچھ نہ کچھ تو گنوا ضروری ہے

رہ رہی ہوں اندھیر نگری میں

روشنی بانٹنا ضروری ہے

شور ہر سمت ہے جھمیلوں کا

کیا بتاؤں کہ کیا ضروری ہے

خود سے خود تھام کر چلو خود کو

اک یہی آسرا ضروری ہے

حبس خانہ بنا ہے خانۂ دل

یار مجھ کو رلا ضروری ہے

وحشتیں بس گئی ہیں سینے میں

آنسوؤں کی غذا ضروری ہے

خود سے غفلت کا دکھ ستائے بہت

اب مجھے آئنہ ضروری ہے

غم کو سینے لگا کے چل ماہیؔ

گرم جوشی دکھا ضروری ہے