rah-e-KHuda mein aalam-e-rindana mil gaya
rāh-e-ḳhudā meñ ālam-e-rindāna mil gayā
masjid ko DhūñDte the ki mai-ḳhāna mil gayā
āġhāz-e-kā.enāt se jis kī talāsh thī
aurāq-e-zindagī meñ vo afsāna mil gayā
ahl-e-junūñ ko taab kahāñ soz-e-husn kī
jalte hī sham.a ḳhaak meñ parvāna mil gayā
dekhā nigāh-e-yās se jab gul-kade kā rañg
har gul kī aaḌ meñ koī vīrāna mil gayā
ik ik zabān par mirī rūdād hai 'shakīl'
apnoñ ke saath kyā koī begāna mil gayā
rah-e-KHuda mein aalam-e-rindana mil gaya
masjid ko DhunDte the ki mai-KHana mil gaya
aaghaz-e-kaenat se jis ki talash thi
auraq-e-zindagi mein wo afsana mil gaya
ahl-e-junun ko tab kahan soz-e-husn ki
jalte hi shama KHak mein parwana mil gaya
dekha nigah-e-yas se jab gul-kade ka rang
har gul ki aaD mein koi virana mil gaya
ek ek zaban par meri rudad hai 'shakil'
apnon ke sath kya koi begana mil gaya
- Book : Kulliyat-e-Shakiil Badaayuuni (Pg. 681)
- Author : Shakiil Badaayuuni
- Publication : Farid Book Depot (Pvt.) Ltd
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.