rah-e-tarik mein karte hain ujale le ja

rāh-e-tārīk meñ karte haiñ ujāle le jā

Thahr detā huuñ tujhe pair ke chhāle le jā

āmad-e-vasl pe bandish hai anokhī koī

hijr sarkār ke phūñke hue taale le jā

mere ash.ār ġham-e-jāñ kā samar haiñ āḳhir

maiñ ne haiñ dard bahut naaz se paale le jā

fatvā-e-fisq lagā shauq se lekin mujh se

apne do-chār gunāhoñ ke havāle le jā

maiñ kabhī dard ko ā.ūñgā dilāsa dene

tū abhī hijr ko siine se lagā le le jā

tere va.adoñ pe baḌī gard jamī hai aa kar

apnī qasmoñ ke laTakte hue jaale le jā

mere us taaq meñ rakhā hai uThā le le jā ke

jā tū ab ishq ko māthe pe sajā le le jā

jā-ba-jā bhuuk ne Dere haiñ jamā.e hamdam

apne dāman meñ tū roTī ke nivāle le jā

tum kisī ḳhvāb ko aa.e ho sahārā dene

chashm-e-bīmār ne pheñke haiñ uThā le le jā

merī ab jaan ke dar pe hai tirā hijr 'ḳhalīl'

is se pahle ki mujhe maar hī Daale le jā

rah-e-tarik mein karte hain ujale le ja

Thahr deta hun tujhe pair ke chhaale le ja

aamad-e-wasl pe bandish hai anokhi koi

hijr sarkar ke phunke hue tale le ja

mere ashaar gham-e-jaan ka samar hain aaKHir

main ne hain dard bahut naz se pale le ja

fatwa-e-fisq laga shauq se lekin mujh se

apne do-chaar gunahon ke hawale le ja

main kabhi dard ko aaunga dilasa dene

tu abhi hijr ko sine se laga le le ja

tere wadon pe baDi gard jami hai aa kar

apni qasmon ke laTakte hue jale le ja

mere us taq mein rakha hai uTha le le ja ke

ja tu ab ishq ko mathe pe saja le le ja

ja-ba-ja bhuk ne Dere hain jamae hamdam

apne daman mein tu roTi ke niwale le ja

tum kisi KHwab ko aae ho sahaara dene

chashm-e-bimar ne phenke hain uTha le le ja

meri ab jaan ke dar pe hai tera hijr 'KHalil'

is se pahle ki mujhe mar hi Dale le ja