rah-e-ulfat mein kahin aise jiya jata hai

rāh-e-ulfat meñ kahīñ aise jiyā jaatā hai

zaḳhm-e-dil zaḳhm-e-jigar aap siyā jaatā hai

jab kamī dard meñ hotī hai sañbhal jaate haiñ

yaad aa jaa.e to phir dard sahā jaatā hai

hoñ agar paas bhī vo hotā nahīñ ġham kā bayāñ

aise hālāt meñ kyā kis se kahā jaatā hai

bas yahī sochte rahte haiñ kaheñ yā na kaheñ

ban kahe bhī to nahīñ ham se rahā jaatā hai

chārāgar koī na ho paas to kyā kiije gila

chashm bhar aa.e to ashkoñ ko piyā jaatā hai

zindagī yūñhī taraddud meñ guzar jā.egī

zabt karnā bhī to dushvār huā jaatā hai

aap ḳhāmosh har ik baat pe ho jaate haiñ

kyā kisī ko yūñhī ilzām diyā jaatā hai

aise hālāt meñ kuchh faisla kiije to 'adā'

dil-e-nākām yuuñ badnām huā jaatā hai

rah-e-ulfat mein kahin aise jiya jata hai

zaKHm-e-dil zaKHm-e-jigar aap siya jata hai

jab kami dard mein hoti hai sanbhal jate hain

yaad aa jae to phir dard saha jata hai

hon agar pas bhi wo hota nahin gham ka bayan

aise haalat mein kya kis se kaha jata hai

bas yahi sochte rahte hain kahen ya na kahen

ban kahe bhi to nahin hum se raha jata hai

chaaragar koi na ho pas to kya kije gila

chashm bhar aae to ashkon ko piya jata hai

zindagi yunhi taraddud mein guzar jaegi

zabt karna bhi to dushwar hua jata hai

aap KHamosh har ek baat pe ho jate hain

kya kisi ko yunhi ilzam diya jata hai

aise haalat mein kuchh faisla kije to 'ada'

dil-e-nakaam yun badnam hua jata hai