rah-e-wafa pe kam hain KHasare hamare dost

rāh-e-vafā pe kam haiñ ḳhasāre hamāre dost

haiñ is safar ke apne sitāre hamāre dost

kuchh saañp chāhiye the ḳhazāne ke vāste

itne meñ āstīñ se pukāre hamāre dost

ik din sambhal hī jaatā hai duniyā se haarā shaḳhs

lekin jo apne-āp se haare hamāre dost

dushman kī ham ko koī zarūrat nahīñ paḌī

kīna-ba-sīna phirte haiñ saare hamāre dost

ham ne ġhazal kī oT se sab kuchh batā diyā

lekin samajh na paa.e ishāre hamāre dost

rah-e-wafa pe kam hain KHasare hamare dost

hain is safar ke apne sitare hamare dost

kuchh sanp chahiye the KHazane ke waste

itne mein aastin se pukare hamare dost

ek din sambhal hi jata hai duniya se haara shaKHs

lekin jo apne-ap se haare hamare dost

dushman ki hum ko koi zarurat nahin paDi

kina-ba-sina phirte hain sare hamare dost

hum ne ghazal ki oT se sab kuchh bata diya

lekin samajh na pae ishaare hamare dost