rah jo chalni hai us mein KHubiyan koi nahin
raah jo chalnī hai us meñ ḳhūbiyāñ koī nahīñ
ruuh apnī chhoḌ ke vaqt-e-girāñ koī nahīñ
dahr hai jaltā huā aur pattharoñ ke aadmī
chilchilātī dhuup hai aur āshiyāñ koī nahīñ
aur kitnā āzmānā jo huā vo ḳhuub hai
tum vahī ho ham vahī rāz-e-nihāñ koī nahīñ
hai nayā kuchh bhī nahīñ kyuuñ is qadar hairāñ hue
saath chalne ko tumhāre ai miyāñ koī nahīñ
sāmne maqtal huā lo fikr se ḳhārij hue
bas yahī rasta hai jis ke darmiyāñ koī nahīñ
rah jo chalni hai us mein KHubiyan koi nahin
ruh apni chhoD ke waqt-e-giran koi nahin
dahr hai jalta hua aur pattharon ke aadmi
chilchilati dhup hai aur aashiyan koi nahin
aur kitna aazmana jo hua wo KHub hai
tum wahi ho hum wahi raaz-e-nihan koi nahin
hai naya kuchh bhi nahin kyun is qadar hairan hue
sath chalne ko tumhaare ai miyan koi nahin
samne maqtal hua lo fikr se KHarij hue
bas yahi rasta hai jis ke darmiyan koi nahin
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
