rah khulti nahin dar band hua jata hai
raah khultī nahīñ dar band huā jaatā hai
mujh se aage mirī qismat kā likhā jaatā hai
ruuh kī zamzama-pardāzī kā mātam kaisā
jism ke shor meñ har saaz dabā jaatā hai
jaane kis jurm meñ māḳhūz vo zindānī hai
jo bhī aatā hai vo zanjīr hilā jaatā hai
tohfatan ek uchaTtī sī nazar kī ḳhushbū
mausam-e-gul tirā mahrūm-e-navā jaatā hai
markaz-e-dīda-o-dil kyā hai zarā socho to
chaa.e kī mez ke sarfe meñ ḳhudā jaatā hai
rah khulti nahin dar band hua jata hai
mujh se aage meri qismat ka likha jata hai
ruh ki zamzama-pardazi ka matam kaisa
jism ke shor mein har saz daba jata hai
jaane kis jurm mein maKHuz wo zindani hai
jo bhi aata hai wo zanjir hila jata hai
tohfatan ek uchaTti si nazar ki KHushbu
mausam-e-gul tera mahrum-e-nawa jata hai
markaz-e-dida-o-dil kya hai zara socho to
chae ki mez ke sarfe mein KHuda jata hai
- Book : Jism Ka Bartan Sard Pada Hai (Pg. 59)
- Author : Ameer Hamza Saqib
- Publication : Rekhta Publications (2019)
- Edition : First
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
