rah mein hail na ho jate agar dair-o-haram

raah meñ haa.il na ho jaate agar dair-o-haram

aur shāyad duur tak milte tire naqsh-e-qadam

ishq meñ farq-e-marātib ko kabhī bhūle na ham

apnī ḳhātir āh-o-zārī un kī ḳhātir zabt-e-ġham

jab bhī haath aa.ī ba-qadr-e-zarf hī sābit huī

pī ke dekhī hai ziyāda se ziyāda kam se kam

kar liyā hai maiñ ne har ik hādse kā tajziya

muskurāne se masarrat ban gayā rone se ġham

āzmā.ish par utar aayā hai daur-e-inqilāb

dhuup ban kar rah gayā hai sāya-e-dair-o-haram

muddatoñ parvāne kī mānind jal chukne ke ba.ad

sham.a ban kar jal rahe haiñ ab tirī mahfil meñ ham

rah mein hail na ho jate agar dair-o-haram

aur shayad dur tak milte tere naqsh-e-qadam

ishq mein farq-e-maraatib ko kabhi bhule na hum

apni KHatir aah-o-zari un ki KHatir zabt-e-gham

jab bhi hath aai ba-qadr-e-zarf hi sabit hui

pi ke dekhi hai ziyaada se ziyaada kam se kam

kar liya hai main ne har ek hadse ka tajziya

muskurane se masarrat ban gaya rone se gham

aazmaish par utar aaya hai daur-e-inqilab

dhup ban kar rah gaya hai saya-e-dair-o-haram

muddaton parwane ki manind jal chukne ke baad

shama ban kar jal rahe hain ab teri mahfil mein hum