rah mein haq ke azizan aapko qurban karo

raah meñ haq ke azīzāñ aap ko qurbāñ karo

yā nahīñ us par tasadduq apnā jism-o-jāñ karo

sālikāñ kab lag chaloge rah meñ haq ke mor chal

ishq kī tezī ko apne chheḌ kar jaulāñ karo

kaañ talak ḳhātir rakhoge aarzū meñ tañg kar

ġhuncha-dil bād-e-sabā suuñ ishq ke ḳhandāñ karo

aql-e-nafsānī tuman meñ burqa-e-haivān hai

phaaḌ kar parda nazar kā aap ko insāñ karo

ḳhāna-e-dil ko rakho ābād haq kī yaad suuñ

ishq kī ātish suuñ tan ko jaal kar vīrāñ karo

toḌ kar tan ko karo bārīk parde kī misāl

sham-e-nūrānī lagā fānūs-e-tan tābāñ karo

dekhte raho roz-o-shab añkhiyāñ suuñ tum rab kā jamāl

nain kī thālī meñ is ko jyuuñ durr-e-ġhaltāñ karo

pherte raho diid kā mankā nazar ke taar meñ

raat din añkhiyāñ ko apnī is taraf gardāñ karo

rah mein haq ke azizan aap ko qurban karo

ya nahin us par tasadduq apna jism-o-jaan karo

salikan kab lag chaloge rah mein haq ke mor chal

ishq ki tezi ko apne chheD kar jaulan karo

kan talak KHatir rakhoge aarzu mein tang kar

ghuncha-dil baad-e-saba sun ishq ke KHandan karo

aql-e-nafsani tuman mein burqa-e-haiwan hai

phaD kar parda nazar ka aap ko insan karo

KHana-e-dil ko rakho aabaad haq ki yaad sun

ishq ki aatish sun tan ko jal kar viran karo

toD kar tan ko karo barik parde ki misal

sham-e-nurani laga fanus-e-tan taban karo

dekhte raho roz-o-shab ankhiyan sun tum rab ka jamal

nain ki thaali mein is ko jyun durr-e-ghaltan karo

pherte raho did ka manka nazar ke tar mein

raat din ankhiyan ko apni is taraf gardan karo