rah mein meri agar aae to mar jaenge aap

raah meñ merī agar aa.e to mar jā.eñge aap

kyā mujhe yuuñ hī nazar-andāz kar jā.eñge aap

ek pal āsūdgī kā ek lamha ishq kā

mujh se ham-āġhosh hote hī nikhar jā.eñge aap

sat.h par mujh ko chhalakne kī na dāvat dījiye

ek qatra bhī agar Tapkā to bhar jā.eñge aap

ik adā ma.asūmiyat aur ek tohmat ma.asiyat

kab talak bachte raheñge ham kidhar jā.eñge aap

bad-shugūnī kī alāmat pesh-ḳhema maut kā

dekhiye ham jaan de deñge agar jā.eñge aap

qabr jaisī nā-pasandīda jagah bhī 'irtizā'

dil kabhī hargiz na chāhegā magar jā.eñge aap

rah mein meri agar aae to mar jaenge aap

kya mujhe yun hi nazar-andaz kar jaenge aap

ek pal aasudgi ka ek lamha ishq ka

mujh se ham-aghosh hote hi nikhar jaenge aap

sath par mujh ko chhalakne ki na dawat dijiye

ek qatra bhi agar Tapka to bhar jaenge aap

ek ada masumiyat aur ek tohmat masiyat

kab talak bachte rahenge hum kidhar jaenge aap

bad-shuguni ki alamat pesh-KHema maut ka

dekhiye hum jaan de denge agar jaenge aap

qabr jaisi na-pasandida jagah bhi 'irtiza'

dil kabhi hargiz na chahega magar jaenge aap