rah-raste mein tu yun rahta hai aa kar humse mil

rāh-raste meñ tū yuuñ rahtā hai aa kar ham se mil

kam gayā lekin vo yār-e-ḳhāngī ghar ham se mil

dil taḌaptā hai paḌā is sīna-e-sad-chāk meñ

khol kar band-e-qabā tū ai saman-bar ham se mil

be-niyāz us husn ko aur naaz ko barpā rakhe

be-takalluf ho ke tū ai nāz-parvar ham se mil

pahuñchnā tum tak miyāñ apnā to ik ashkāl hai

hove tā milnā tirā ham ko mayassar ham se mil

har musībat bhar ke maiñ pahuñchā huuñ tere dar talak

be-muravvat ek dam aa ghar se bāhar ham se mil

ab to us be-dast-o-pā se ho nahīñ saktī talāsh

DhūñD le kar ham ko ai rizq-e-muqaddar ham se mil

in dinoñ rahtī hai mujh ko be-qarārī beshtar

qasd kar ke to mukarrar aur muqarrar ham se mil

ser rakhtī haiñ mirī be-tābi.eñ us vaqt zor

harf hamārā gar nahīñ hai tujh ko bāvar ham se mil

ho gayā terī havā-ḳhvāhī meñ 'hasrat' tū ba-bād

baiThā kyā hai ḳhaak meñ ham ko milā kar ham se mil

rah-raste mein tu yun rahta hai aa kar hum se mil

kam gaya lekin wo yar-e-KHangi ghar hum se mil

dil taDapta hai paDa is sina-e-sad-chaak mein

khol kar band-e-qaba tu ai saman-bar hum se mil

be-niyaz us husn ko aur naz ko barpa rakhe

be-takalluf ho ke tu ai naz-parwar hum se mil

pahunchna tum tak miyan apna to ek ashkal hai

howe ta milna tera hum ko mayassar hum se mil

har musibat bhar ke main pahuncha hun tere dar talak

be-murawwat ek dam aa ghar se bahar hum se mil

ab to us be-dast-o-pa se ho nahin sakti talash

DhunD le kar hum ko ai rizq-e-muqaddar hum se mil

in dinon rahti hai mujh ko be-qarari beshtar

qasd kar ke to mukarrar aur muqarrar hum se mil

ser rakhti hain meri be-tabien us waqt zor

harf hamara gar nahin hai tujh ko bawar hum se mil

ho gaya teri hawa-KHwahi mein 'hasrat' tu ba-baad

baiTha kya hai KHak mein hum ko mila kar hum se mil