rah-rau ko dur se manzil samajh baiThe the hum

rāh-rau ko duur se manzil samajh baiThe the ham

bahr-e-ġham meñ mauj ko sāhil samajh baiThe the ham

ab to har pechīdgī apnī samajh meñ aa ga.ī

varna har āsān ko mushkil samajh baiThe the ham

is meñ rahbar kī nahīñ thī balki apnī bhuul thī

yā'nī ik nādān ko 'āqil samajh baiThe the ham

har na.ī ḳhvāhish ko samjhe the muqaddas tishnagī

har dhaḌaktī chiiz ko kyoñ dil samajh baiThe the ham

rah-rau ko dur se manzil samajh baiThe the hum

bahr-e-gham mein mauj ko sahil samajh baiThe the hum

ab to har pechidgi apni samajh mein aa gai

warna har aasan ko mushkil samajh baiThe the hum

is mein rahbar ki nahin thi balki apni bhul thi

ya'ni ek nadan ko 'aqil samajh baiThe the hum

har nai KHwahish ko samjhe the muqaddas tishnagi

har dhaDakti chiz ko kyon dil samajh baiThe the hum