rahzan hun ki rahnuma hun main

rāhzan huuñ ki rahnumā huuñ maiñ

kaun jaane ki asl kyā huuñ maiñ

vo jo ibrat kā ik nishāñ Thahre

baaġh vāloñ ko jāntā huuñ maiñ

mujh se ḳhalq-e-ḳhudā laraztī hai

kis nauiyat kā pārsā huuñ maiñ

sādgī ko bhī jis pe rashk aa.e

is takalluf kī intihā huuñ maiñ

kis ne dekhā ye dekhnā merā

dil kī āñkhoñ se dekhtā huuñ maiñ

bheḌiye kī nigāh hai jin par

aisī bheḌoñ ko hāñktā huuñ maiñ

rahzan hun ki rahnuma hun main

kaun jaane ki asl kya hun main

wo jo ibrat ka ek nishan Thahre

bagh walon ko jaanta hun main

mujh se KHalq-e-KHuda larazti hai

kis nauiyat ka parsa hun main

sadgi ko bhi jis pe rashk aae

is takalluf ki intiha hun main

kis ne dekha ye dekhna mera

dil ki aankhon se dekhta hun main

bheDiye ki nigah hai jin par

aisi bheDon ko hankta hun main