rakh uDti hui baalon mein nazar aati hai
raakh uḌtī huī bāloñ meñ nazar aatī hai
umr guzre hue sāloñ meñ nazar aatī hai
jab bhī kholā hai ye maazī kā darīcha maiñ ne
koī tasvīr ḳhayāloñ meñ nazar aatī hai
shaam ke saath jo jaadū ho nigāhoñ kā tirī
shaam vaisī mire gāloñ meñ nazar aatī hai
bastī dil meñ jahāñ roz thā hañgāma nayā
vo bhī ujḌe hue hāloñ meñ nazar aatī hai
kabhī tanhā.ī jo rātoñ ko satātī thī hameñ
ab vahī din ke ujāloñ meñ nazar aatī hai
rakh uDti hui baalon mein nazar aati hai
umr guzre hue salon mein nazar aati hai
jab bhi khola hai ye mazi ka daricha main ne
koi taswir KHayalon mein nazar aati hai
sham ke sath jo jadu ho nigahon ka teri
sham waisi mere galon mein nazar aati hai
basti dil mein jahan roz tha hangama naya
wo bhi ujDe hue haalon mein nazar aati hai
kabhi tanhai jo raaton ko satati thi hamein
ab wahi din ke ujalon mein nazar aati hai
- Book : Koi bhi rut ho (Pg. 51)
- Author : Farah iqbal
- Publication : Alhamd Publications (2011)
- Edition : 2011
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
