ras aai jab talak mujhko na shiddat dhup ki

raas aa.ī jab talak mujh ko na shiddat dhuup kī

mere dil meñ barf-sūrat thī mohabbat dhuup kī

mujh ko to sahrā ke siine par utārā abr ne

kis liye mujh ko paḌī thī phir zarūrat dhuup kī

shaam ke saa.e ne par khole to zulmat chhā ga.ī

baa'd muddat ke nazar aa.ī thī sūrat dhuup kī

TuuT kar jab bhī giregā āsmāñ se āftāb

ḳhaak meñ mil jā.egī az-ḳhud ye shohrat dhuup kī

jūñhī kholī aañkh sūraj ne to bādal aa ga.e

chand lamhoñ ke liye chamkī thī qismat dhuup kī

ras aai jab talak mujh ko na shiddat dhup ki

mere dil mein barf-surat thi mohabbat dhup ki

mujh ko to sahra ke sine par utara abr ne

kis liye mujh ko paDi thi phir zarurat dhup ki

sham ke sae ne par khole to zulmat chha gai

ba'd muddat ke nazar aai thi surat dhup ki

TuT kar jab bhi girega aasman se aaftab

KHak mein mil jaegi az-KHud ye shohrat dhup ki

junhi kholi aankh suraj ne to baadal aa gae

chand lamhon ke liye chamki thi qismat dhup ki