ras aaya nahin hum ko tera aate rahna

raas aayā nahīñ ham ko tirā aate rahnā

yuuñ tirā barsoñ talak vā'da nibhāte rahnā

tū ne ye jaanā na ādāb-e-mohabbat kyā hai

har mulāqāt pe milne tirā aate rahnā

rā.egāñ ho gayā vo gaanā tirā raag basant

mausam-e-ḳhār meñ phūloñ ko ugāte rahnā

ik sadā terī bhī shāmil thī hujūm-e-tiflāñ

har sahar chhajje pe mujh ko bhī bulāte rahnā

jāntā to nahīñ kāñTe to mire dil meñ chubhe

phuul terā mirī rāhoñ meñ bichhāte rahnā

hai ye be-qufl qafas par vo parinda na uḌā

qissa-e-ishq tirā us ko sunāte rahnā

tere jaisā bhī hai ik shaḳhs zamāne bhar meñ

kab talak majnūñ aur rāñjhoñ ko gināte rahnā

raakh jab maiñ ne kuredī to kahe chingārī

kaam tum jaisoñ kā hai duniyā jalāte rahnā

rū-ba-rū aa.ine ke roz maiñ aa.uuñ kaise

kitnā mushkil hai nazar ḳhud se milāte rahnā

ras aaya nahin hum ko tera aate rahna

yun tera barson talak wa'da nibhate rahna

tu ne ye jaana na aadab-e-mohabbat kya hai

har mulaqat pe milne tera aate rahna

raegan ho gaya wo gana tera rag basant

mausam-e-KHar mein phulon ko ugate rahna

ek sada teri bhi shamil thi hujum-e-tiflan

har sahar chhajje pe mujh ko bhi bulate rahna

jaanta to nahin kanTe to mere dil mein chubhe

phul tera meri rahon mein bichhate rahna

hai ye be-qufl qafas par wo parinda na uDa

qissa-e-ishq tera us ko sunate rahna

tere jaisa bhi hai ek shaKHs zamane bhar mein

kab talak majnun aur ranjhon ko ginate rahna

rakh jab main ne kuredi to kahe chingari

kaam tum jaison ka hai duniya jalate rahna

ru-ba-ru aaine ke roz main aaun kaise

kitna mushkil hai nazar KHud se milate rahna