rasta be-zaban be-sada bhi nahin

rāsta be-zabāñ be-sadā bhī nahīñ

koī muḌ kar magar dekhtā bhī nahīñ

mere lahje se nā-āshnā bhī nahīñ

koī darvāza lekin khulā bhī nahīñ

'umr-bhar ham bhaTakte rahe dar-ba-dar

koī manzil koī rāsta bhī nahīñ

sar jhukā kar mile dostoñ se magar

qad hamārā kisī se ghaTā bhī nahīñ

ḳhud kī nazroñ meñ gir kar pata ye chalā

is se baḌh kar to koī sazā bhī nahīñ

ai falak tū hamārā nigahbān hai

in fasādoñ meñ ab kuchh bachā bhī nahīñ

inkisārī se milte haiñ 'e'jāz' ham

varna ham se to koī baḌā bhī nahīñ

rasta be-zaban be-sada bhi nahin

koi muD kar magar dekhta bhi nahin

mere lahje se na-ashna bhi nahin

koi darwaza lekin khula bhi nahin

'umr-bhar hum bhaTakte rahe dar-ba-dar

koi manzil koi rasta bhi nahin

sar jhuka kar mile doston se magar

qad hamara kisi se ghaTa bhi nahin

KHud ki nazron mein gir kar pata ye chala

is se baDh kar to koi saza bhi nahin

ai falak tu hamara nigahban hai

in fasadon mein ab kuchh bacha bhi nahin

inkisari se milte hain 'e'jaz' hum

warna hum se to koi baDa bhi nahin