rasta den meri bazm wale mujhe

rāsta deñ mirī bazm vaale mujhe

yaad aate haiñ pairoñ ke chhāle mujhe

tū kare zindagī ke havāle mujhe

aur ġham terī duniyā kā pā le mujhe

soch ai zindagī dene vaale mujhe

zindagī hī kisī din na khā le mujhe

tere gesū tasavvur se haTte nahīñ

pālne hī paḌeñge ye kaale mujhe

Dhā jafā par jafā kar sitam par sitam

aazmā ḳhuub hī aazmā le mujhe

maut aisī bhī kyā chiiz thī dosto

'umr phirtī rahī Taale Taale mujhe

is tamanna meñ sāġhar uchhāle rahā

shāyad ik roz sāġhar uchhāle mujhe

fikr kar apne bachne kī tū fikr kar

Duub jaane bhī de naav vaale mujhe

pīr-e-mai-ḳhāna piine ko de yā na de

mai-kade se na 'manzil' nikāle mujhe

rasta den meri bazm wale mujhe

yaad aate hain pairon ke chhaale mujhe

tu kare zindagi ke hawale mujhe

aur gham teri duniya ka pa le mujhe

soch ai zindagi dene wale mujhe

zindagi hi kisi din na kha le mujhe

tere gesu tasawwur se haTte nahin

palne hi paDenge ye kale mujhe

Dha jafa par jafa kar sitam par sitam

aazma KHub hi aazma le mujhe

maut aisi bhi kya chiz thi dosto

'umr phirti rahi Tale Tale mujhe

is tamanna mein saghar uchhaale raha

shayad ek roz saghar uchhaale mujhe

fikr kar apne bachne ki tu fikr kar

Dub jaane bhi de naw wale mujhe

pir-e-mai-KHana pine ko de ya na de

mai-kade se na 'manzil' nikale mujhe