rasta der tak sochta rah gaya

rāsta der tak sochtā rah gayā

jaane vaale kā kyuuñ naqsh-e-pā rah gayā

aaj phir dab ga.iiñ dard kī siskiyāñ

aaj phir gūñjtā qahqaha rah gayā

ab havā se shajar kar rahā hai gila

ek gul shāḳh par kyuuñ bachā rah gayā

jhuuT kahne lagā sach se bachne lagā

hausle miT ga.e tajraba rah gayā

hañste gaate hue lafz sab miT ga.e

āñsuoñ se likhā hāshiya rah gayā

vaqt kī dhaar meñ bah gayā sab magar

naam dīvār par ik likhā rah gayā

us ke dam se kahe sher maiñ ne 'hilāl'

phuul is dhuup meñ jo khilā rah gayā

rasta der tak sochta rah gaya

jaane wale ka kyun naqsh-e-pa rah gaya

aaj phir dab gain dard ki siskiyan

aaj phir gunjta qahqaha rah gaya

ab hawa se shajar kar raha hai gila

ek gul shaKH par kyun bacha rah gaya

jhuT kahne laga sach se bachne laga

hausle miT gae tajraba rah gaya

hanste gate hue lafz sab miT gae

aansuon se likha hashiya rah gaya

waqt ki dhaar mein bah gaya sab magar

nam diwar par ek likha rah gaya

us ke dam se kahe sher main ne 'hilal'

phul is dhup mein jo khila rah gaya