rasta hai pur-KHatar ye soch kar

rāsta hai pur-ḳhatar ye soch kar

sub.h se baiThā huuñ maiñ dahlīz par

shāḳh-e-tanhā par kabhī thā āshiyāñ

āshiyāñ meñ āsmān-o-bāl-o-par

be-dar-o-dīvār duniyā ishq kī

kho gayā sansār zer-e-bām-o-dar

TūTtā jaatā hai merā hausla

aa rahā hai merī jānib rāhbar

chal ki tujh ko tere ghar tak chhoḌ duuñ

tū agar rahne de mujh ko mere ghar

aaj tak aa.e na jo zer-e-qalam

DhūñD vo alfāz jo haiñ dar-ba-dar

rasta hai pur-KHatar ye soch kar

subh se baiTha hun main dahliz par

shaKH-e-tanha par kabhi tha aashiyan

aashiyan mein aasman-o-baal-o-par

be-dar-o-diwar duniya ishq ki

kho gaya sansar zer-e-baam-o-dar

TuTta jata hai mera hausla

aa raha hai meri jaanib rahbar

chal ki tujh ko tere ghar tak chhoD dun

tu agar rahne de mujh ko mere ghar

aaj tak aae na jo zer-e-qalam

DhunD wo alfaz jo hain dar-ba-dar