rasta mein ek naya manzar nazar aaya to kya

rāsta meñ ik nayā manzar nazar aayā to kyā

saath chalne apne koī ham-safar aayā to kyā

kaun suljhā pā.egā ishq-o-junūñ kī gutthiyāñ

ahl-e-dil aayā to kyā ahl-e-nazar aayā to kyā

vaqf jab ham ne kiyā ḳhud ko ḳhudā kī raah meñ

apne hāthoñ meñ liye vo sīm-o-zar aayā to kyā

baḳhshe jā.eñge ġhulāmān-e-nabī roz-e-jazā

vaañ farishta koī fard-e-jurm gar laayā to kyā

jāda-e-haq par raheñge gāmzan ham to 'nishāt'

raah meñ bahkāne ham ko rāhbar aayā to kyā

rasta mein ek naya manzar nazar aaya to kya

sath chalne apne koi ham-safar aaya to kya

kaun suljha paega ishq-o-junun ki gutthiyan

ahl-e-dil aaya to kya ahl-e-nazar aaya to kya

waqf jab hum ne kiya KHud ko KHuda ki rah mein

apne hathon mein liye wo sim-o-zar aaya to kya

baKHshe jaenge ghulaman-e-nabi roz-e-jaza

wan farishta koi fard-e-jurm gar laya to kya

jada-e-haq par rahenge gamzan hum to 'nishat'

rah mein bahkane hum ko rahbar aaya to kya