rasta tang hai lekin hamein chalna hoga

rāsta tang hai lekin hameñ chalnā hogā

bhiiḌ se bach ke bahar-hāl nikalnā hogā

le liyā ham ne muqaddar se gulāboñ meñ janam

ab ye sachchā.ī hai kāñToñ meñ hī palnā hogā

jin charāġhoñ pe ujāloñ kī hai zimmedārī

āñdhiyoñ meñ bhī bilā ḳhauf unheñ jalnā hogā

ham ne barfīlī chaTānoñ se mohabbat kar lī

vo pighaltī haiñ to ham ko bhī pighalnā hogā

aadmī se laqab insān kā paane ke liye

apne armān ko saḳhtī se kuchalnā hogā

ai 'qamar' pech-o-ḳham-e-rāh pe chalnā hai tujhe

har qadam par tire Thokar hai sañbhalnā hogā

rasta tang hai lekin hamein chalna hoga

bhiD se bach ke bahar-haal nikalna hoga

le liya hum ne muqaddar se gulabon mein janam

ab ye sachchai hai kanTon mein hi palna hoga

jin charaghon pe ujalon ki hai zimmedari

aandhiyon mein bhi bila KHauf unhen jalna hoga

hum ne barfili chaTanon se mohabbat kar li

wo pighalti hain to hum ko bhi pighalna hoga

aadmi se laqab insan ka pane ke liye

apne arman ko saKHti se kuchalna hoga

ai 'qamar' pech-o-KHam-e-rah pe chalna hai tujhe

har qadam par tere Thokar hai sanbhalna hoga