raste ki dhul ne pairon ko zaKHmi kar diya

rāste kī dhuul ne pairoñ ko zaḳhmī kar diyā

bahr se maahī alag karnā mujhe aatā nahīñ

baiTh jā.ūñ do ghaḌī ārām se yaaro kahīñ

zindagī ke dasht meñ aisā koī saaya nahīñ

ḳhvāb sā sundar badan thā bistar-e-kamḳhāb par

raat bhar phir bhī mire dil ne sukūñ paayā nahīñ

chhā ga.ī hai ḳhāmushī kī barf mere zehn par

kalpanā ke desh meñ sūraj kabhī martā nahīñ

narm jismoñ kī ḳhushī āñkhoñ meñ bhar kar raat ko

sabza-e-ḳhud-rau pe 'aḳhtar' maiñ kabhī soyā nahīñ

raste ki dhul ne pairon ko zaKHmi kar diya

bahr se mahi alag karna mujhe aata nahin

baiTh jaun do ghaDi aaram se yaro kahin

zindagi ke dasht mein aisa koi saya nahin

KHwab sa sundar badan tha bistar-e-kamKHab par

raat bhar phir bhi mere dil ne sukun paya nahin

chha gai hai KHamushi ki barf mere zehn par

kalpana ke desh mein suraj kabhi marta nahin

narm jismon ki KHushi aankhon mein bhar kar raat ko

sabza-e-KHud-rau pe 'aKHtar' main kabhi soya nahin