raste zist ke dushwar nazar aate hain
rāste ziist ke dushvār nazar aate haiñ
log ulfat se bhī bezār nazar aate haiñ
jis ko dekho vo ḳharīdār huā hai un kā
har taraf misr ke bāzār nazar aate haiñ
bal hai abrū pe nazar tez ḳhudā ḳhair kare
aaj kuchh hashr ke āsār nazar aate haiñ
manzil-e-ishq kī rāheñ haiñ bahut hī dushvār
har qadam par na.e āzār nazar aate haiñ
kyā kahūñ ik tire jalve ke muqābil ai dost
chashm-o-dil donoñ hī bekār nazar aate haiñ
yaad aa jaate haiñ vo jab bhī hameñ ai 'jauhar'
har taraf matla-e-anvār nazar aate haiñ
raste zist ke dushwar nazar aate hain
log ulfat se bhi bezar nazar aate hain
jis ko dekho wo KHaridar hua hai un ka
har taraf misr ke bazar nazar aate hain
bal hai abru pe nazar tez KHuda KHair kare
aaj kuchh hashr ke aasar nazar aate hain
manzil-e-ishq ki rahen hain bahut hi dushwar
har qadam par nae aazar nazar aate hain
kya kahun ek tere jalwe ke muqabil ai dost
chashm-o-dil donon hi bekar nazar aate hain
yaad aa jate hain wo jab bhi hamein ai 'jauhar'
har taraf matla-e-anwar nazar aate hain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
