raat aankhon mein KHwab aae the

raat āñkhoñ meñ ḳhvāb aa.e the

muskurāte janāb aa.e the

jis meñ marqūm thā vafā kā sabaq

phir vo le kar kitāb aa.e the

un ke hoñToñ ne jab ġhazal chheḌī

mere ruḳh par gulāb aa.e the

phuul khilne lage the sahrā meñ

sāmne phir sarāb aa.e the

mere hisse meñ har ḳhushī i

ġham bhī kuchh be-hisāb aa.e the

mere armān bah ga.e saare

abr ban kar azaab aa.e the

rāste meñ bikhar ga.ī 'nik.hat'

bas vo sūkhe gulāb aa.e the

raat aankhon mein KHwab aae the

muskuraate janab aae the

jis mein marqum tha wafa ka sabaq

phir wo le kar kitab aae the

un ke honTon ne jab ghazal chheDi

mere ruKH par gulab aae the

phul khilne lage the sahra mein

samne phir sarab aae the

mere hisse mein har KHushi i

gham bhi kuchh be-hisab aae the

mere arman bah gae sare

abr ban kar azab aae the

raste mein bikhar gai 'nikhat'

bas wo sukhe gulab aae the