raat aati hai to bazar se lag jate hain

raat aatī hai to bāzār se lag jaate haiñ

dard hī dard ke ambār se lag jaate haiñ

chalte hī rahte haiñ ham par to qazā ke nashtar

ham bhī rote hue dīvār se lag jaate haiñ

aise tanhā.ī rag-e-jāñ se lipaT kar ro.e

jaise ḳhalvat meñ gale yaar se lag jaate haiñ

'ālam-e-shauq kināroñ kī kise fursat hai

ye safīne kabhī mañjhdār se lag jaate haiñ

zindagī tū bhī tamāshe ke sivā kuchh bhī nahīñ

dekhte dekhte āzār se lag jaate haiñ

chāñdnī raat meñ baiThe hue tanhā 'barham'

gum-shuda yādoñ ke darbār se lag jaate haiñ

raat aati hai to bazar se lag jate hain

dard hi dard ke ambar se lag jate hain

chalte hi rahte hain hum par to qaza ke nashtar

hum bhi rote hue diwar se lag jate hain

aise tanhai rag-e-jaan se lipaT kar roe

jaise KHalwat mein gale yar se lag jate hain

'alam-e-shauq kinaron ki kise fursat hai

ye safine kabhi manjhdar se lag jate hain

zindagi tu bhi tamashe ke siwa kuchh bhi nahin

dekhte dekhte aazar se lag jate hain

chandni raat mein baiThe hue tanha 'barham'

gum-shuda yaadon ke darbar se lag jate hain