raat aisi ki kabhi jis ka sawera na hua
raat aisī ki kabhī jis kā saverā na huā
dard aisā ki koī jis kā masīhā na huā
raaz ik dil meñ liye phirte haiñ sahrā sahrā
koī hamrāz to ho shahr meñ aisā na huā
mere ehsās kī qismat meñ hī mahrūmī thī
kabhī sochā na huā aur kabhī chāhā na huā
dil ke ā.īne meñ har aks hai dhuñdlā dhuñdlā
laakh sūrat hai magar koī bhī tum sā na huā
bazm-e-aġhyār meñ 'shāhid' ke uḌe the purze
koī charchā na huā koī tamāshā na huā
raat aisi ki kabhi jis ka sawera na hua
dard aisa ki koi jis ka masiha na hua
raaz ek dil mein liye phirte hain sahra sahra
koi hamraaz to ho shahr mein aisa na hua
mere ehsas ki qismat mein hi mahrumi thi
kabhi socha na hua aur kabhi chaha na hua
dil ke aaine mein har aks hai dhundla dhundla
lakh surat hai magar koi bhi tum sa na hua
bazm-e-aghyar mein 'shahid' ke uDe the purze
koi charcha na hua koi tamasha na hua
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
